Sunni Musalmano Ke Bade Maulana Aur Al-azhar University Ke Head Ne Kaha Ki Shia Musalmano Ko Kaafir Kehna Galat Hai. Sheikh Ahmed Tayyab Ne Kaha Hai Ki Religious Sources Ke Basis Par Shia Musalmano Ko Kaafir Nahi Kaha Jaa Sakta Aur Islam Ke Nazariye Se Ye Acceptable Baat Nahi Hai.
Iraq Ki Anankheel News Agency ke Mutabiq Al-Azhar University Ke Head Sheikh Ahmed Tayyab Ne Kaha Ki Holy Quraan Aur Paighambare Islam SAWW Ke Paak Hadeeso Se Ye Zaahir Hota Hai Wo Kafir Nahi Hai Aur Shia Musalmano Ko Kaafir Nahi Kaha Jaa Sakta Hai. Unhone Kaha Ki Kuch Channel Par Jo Shiyo Ko Kaafir Kaha Jaa Raha Hai Wo Galat Hai. Unhone Kaha Ki Hum Ye Accept Nahi Kar Sakte.
Sheikh Ahmed Tayyab Ne Kaha Ki Shia Aur Sunni Musalmano Ke Bich Koi Aisi Fasaad Nahi Hai Jiske Basis Par Ek Dusre Ko Islam Se Khaarij Kar Diya Jaaye. Unhone Kaha Ki Present Time Me Humari Duty Hai Ki Musalmano Ke Bich Unity Laaye Naa Ki Jhagde Lagaaye. Sheikh Tayyab Ka Kehna Hai Ki Iss Waqt Musalmano Ke Bich Unity Ki Zarurat Hai Aur Aise Me Jo Bhi Musalmano Ke Bich Jhagde Lagata Hai Wo Islam Ka Dushman Hai.
For Reference
http://hindi.irib.ir/समाचार/item/77402
No comments:
Post a Comment